අපේ එක සබ්ජෙක්ට් එකකට තිබ්බේ හඳුනා ගැනීම සහ සැලසුම් කිරීම. ඒත් එක්කම අනාගතේ එන එක එක විදියේ අත්දැකීම් වලට බය නැතුව හුරු වෙන එකත් වක්‍ර පාඩමක් වෙන්න ඇති.
මුළු ඩුප්ලිකේෂන් පාරම කොටස් 6 කට බෙදලා ගෘප්ස් හයකට දීලා තිබුනා. එක ගෘප් එකක ළමයි හයයි. ගෘප් බෙදන්නේ කොල්ලෝ, කෙල්ලෝ බැලන්ස් වෙන විදියට... සිංහල, දෙමල, මුස්ලිම් බැලන්ස් වෙන විදියට....
උදේ ඉඳන් රෑ වෙනකල් මිනිස් ක්‍රියාකාරකම් එක්ක පරිසරය වෙනස් වෙන හැටි බලන්න, මිනිස්සුත් එක්ක කතා කරන්න, ඒ ඒ තැන් වලට මිනිස්සුන්ගෙන් ලැබිලා තියෙන වටිනාකම හඳුන ගන්න වගේ දේවල් ගොඩක් එක්ක අන්තිමේදී ගාලු පාරත්, ඩුප්ලිකේෂන් එකත් ඇතුළුව කොල්ලුපිටියේ ඉඳන් වැල්ලවත්තට එනකල් ඒ වෙද්දී තියෙන දේවල් එක්ක සැලසුම හදන්න කියලා අපිට කිවුවේ.
මාස තුනේ සෙමෙස්ටර් එකේ ෆීල්ඩ් වැඩ වලට ලැබුනේ දවස් දෙක තුනයි. මොකද මේක එක සබ්ජෙක්ට් එකක් විතරනේ. අනිත් හැමදාම 8-5 ලෙක්චර්ස්. දුන්නු වෙලාව මදි නම් අපි, අපිට නිදහසක් ලැබෙන විදියට ෆීල්ඩ් යන්න ඕනි.
අපි තුන්වෙනි ගෘප් එක. අපිට හම්බුණේ බගතලේ ඉඳන් හවුස් ඔෆ් ෆැෂන් දිහාට වගේ... ගාලු පාරෙත් ඊට සමාන්තර කොටස. ඔනිකමක් වුනොත් කියලා අතට දීපු ලියුම තිබ්බෙත් අපි ළඟ.
කොල්ලුපිටිය, බම්බලපිටිය, වැල්ලවත්ත පොලිසි තුනෙන්ම අපි යන හැම දවසකම අවසර ගන්න ඕනි. යුද්දේ ඉවර වෙලා මාස ගානක් නිසා.... ජිවිතේ පළවෙනි වතාවට මම පොලිසියකට ගියේ කොල්ලුපිටියේ එකට. අනිත් අයට වැඩ පටන් ගන්න කියලා කොල්ලෙකුයි මමයි ගියා පර්මිෂන් ගන්න.
අපි වැඩ පටන් ගත්තා. අපේ පහසුවට හැමදේම ෆොටෝ ගන්න ගියා. අන්තිමේදී කෝල් එකක් එනවා එක ගෘප් එකක් ඉස්කෝලෙක ළමයින්ගේ ෆොටෝ ගන්න ගිහින් අහුවෙලා ලියුම ගේනකල් ප්‍රින්සිපල් ඔෆිස් එකේ කියලා.
තව කෙල්ලක් අතුරු පාරවල් පැටලිලා තනියම අඩ අඩා එනවා. කොහොමත් වැඩ කරන්න ලේසිවට අපි එක්කෙනා දෙන්නා බෙදිලා ගිහින් හිටියේ එක එක තැන් වලට...
තව ගෘප් එකක ළමයි දෙන්නෙක් අල්ලාගෙන බලෙන්ම ෆොටෝ ෆෝල්ඩර් එක ඩිලීට් කරලා. අපේ ගෘප් එකේ ෆොටෝ ගත්ත කොල්ලව අරන් එන්න කියලා පොලීසියෙන් වාහනයක් එවලා. එක තැනකින් අහලා ෆොටෝ ගන්න මේක ග්‍රහලෝකාගාරේ කියලා හිතුවද කියලා... එක එක ගෘප් එකට එක එක අත්දැකීම්.
අන්තිමේදී අපිට වැඩේ එපා වෙලා බැන බැන ආයෙමත් කැම්පස් ආවා.... ඇවිත් කැන්ටිමට සෙට් වෙලා වෙච්ච දේවල් කියද්දී නම් අපිටම අපේ වැඩ ගැන හිනා නොගියා නෙමෙයි.
" ඔයාලා බැනුම් ඇහුවා විතරද... කලින් අවුරුද්දක ළමයෙක් නම් දවසක් කුඩුවේත් හිටියා අපිට වෙලාව මදි වෙලා එලියට ගන්න "
පහුවදා අපිට ලොකු අයගෙන් ලැබුණු උත්තරේ ඒක.
" Learning by Doing "
ඔන්න තවත් පාඩමක් !
No comments:
Post a Comment