කුඩා කළ සිටම මට නැගිටින්න හිඳගන්න
කෙලින් තීරණ ගන්න මට අවැසි ලෙස ඉන්න
හැමවිටම උදවු දුන්නේ මගේ පිටකොන්ද
මා උන්නේ නවන්නට නොවේ එය කිසිදිනක
දිනෙන් දින ගෙවීලා තරුණ විය එළඹිලා
උපාධිය ලැබීලා රැකියාව සොයාලා
කරකාර බැඳීලා දරු මල්ලෝ ලැබීලා
ලෝකයේ මට උරුම තැනට මා වැටීලා
බස් රියේ තිවංකව යන විටත් එන විටත්
රැකියාව ගන්නටත් ඉන් ඉහළ යන්නටත්
පොඩි ඒකා හෝඩියට දමන්නට ගිය විටත්
මට වුණේ නොපැකිලව පිට කොන්ද නවන්ටත්
මහලු විය එළඹිලා මා හිඳී තනිවෙලා
මතකයන් එකින් එක මගෙ හිතේ ඇඳීලා
මගේ පිටකොන්ද දැන් ඇත්තේ වක ගැසීලා
කෙලින් කළ නොහැක එය නවලාම හුරුවෙලා.......................
No comments:
Post a Comment