අපි දෙන්නා මෙතන ඉන්නෙ සෙන්ටිමීටර් ගානක් දුරින් වුනාට ඇත්තටම බැලුවොත් අපි අපිට කිලෝ මීටර් ගානක් දුරයි නේද අද.....
මුහුද දිහා බලාගෙන එයා කියනවා....
හ්ම්ම්.....
මම ඔයාව වෙනස් කරන්න හිතාගෙන කියනවා නෙමෙයි... ඒත් ඔයයි මමයි අන්තිමට කතා කරපු දවසෙ ඉඳන් අද වෙනකල් මම ගොඩක් හීන මැව්වා.... ඔයා වෙනස් වෙන්නෙ නෑ කියලා කිවුවට මට බය හිතුනා ඔයා වෙනස් වේවි කියලා.... අද මට මෙතනට ආව වෙලාවෙ ඉඳන්ම තේරුණා ඒ බය ඇත්ත වෙලා කියලා .... දන්නවද.... මගේ භාශාවෙන් කියනවා නම් ඔයා අද ඇවිල්ලා ඉන්නෙ ෆුල් ෆෝමැට් එකක් වෙලා....
මට හිනා ගියා....
හ්ම්ම්.... ඒක නම් හරි හැබැයි. ඉතින් නරක නැහැනේ.... එහෙමම ඉන්න දෙන්න.... ඒක දෙන්නගෙම අනාගතේට හොඳයි නේ....
ලොකු සුසුමක් හෙලන සද්දේ මට අහුණා....
ඔයා දන්නවද.... ඔයා ලඟ තියෙන්නෙ මතක හිටින සුවඳක් !
ඒ පාර මට සුසුමක් හෙලුනා.....
---------------------------------------------------------------------------------------------
සුසුමක උණුසුම නොමවිඳි හදකට
සුසුමක් වුනේ ඔබයි
කඳුළක සිසිලස නොහැඟුණු නෙතකට
කඳුළක් වුනේ ඔබයි
මිහිමත සැඟවුනු විසිතුරු ලොවකට
පියවර ලකුණ ඔබයි
විසිතුරු මිහිමත සැඟවුනු රුදු ලොව
හෙලි කළ දෙනෙත ඔබයි
හදවත පිරිමැද සිතිවිලි පොබ කල
පැතුමක අරුණ ඔබයි
වදනට නොනැඟෙන සිත තුල ගොළුවන
නොපිපෙන පැතුම ඔබයි
.
ගායනය: විශාරද එඩ්වඩ් ජයකොඩි සහ විශාරද මාලිනි බුලත්සිංහල
විසිතුරු මිහිමත සැඟවුනු රුදු ලොව
හෙලි කළ දෙනෙත ඔබයි
හදවත පිරිමැද සිතිවිලි පොබ කල
පැතුමක අරුණ ඔබයි
වදනට නොනැඟෙන සිත තුල ගොළුවන
නොපිපෙන පැතුම ඔබයි
.
ගායනය: විශාරද එඩ්වඩ් ජයකොඩි සහ විශාරද මාලිනි බුලත්සිංහල
No comments:
Post a Comment