දකින හැම රුවකම
ඇසෙන හැම හඬකම
දැනෙන හැම හුස්මකම
සෙවුවෙමි නුඹව මම.
ලියන හැම සටහනකම
පබඳින හැම කවියකම
අඳින හැම සිතුවමකම
දුටිමි නුඹව මම.
දිනෙක හමුවිණි ඒ රුව
සැඟවී නුහුරු වැස්මක
විවර කරමින් හදවත
නොදෙමින් යතුර මා වෙත.
ප්‍රශ්න නැත
එහෙත්,
කොන්දේසි ඇත..
" ආදරය නොකරන්න ! "
ජීවිතය මේ යැයි
නුඹෙන් මම උගනිමි.
ආදරය මේ යැයි
නුඹෙන් මම උගනිමි.
සැකයක් නොසිතන්න.
සබඳ මා සිත ගැන
නොහැකි නම් රකින්නට
නොදෙනෙමි කිසිවිටෙක මා පිළිණ !
No comments:
Post a Comment